Lowassa Azidi Kuipasua CCM



Uamuzi wa Edward Lowassa kujiondoa CCM na kujiunga Chadema, bado unakitesa chama hicho tawala baada ya mikoa kuanza kuwashughulikia viongozi waliomuunga mkono wakati wa Uchaguzi Mkuu, huku baadhi wakisema wako tayari kupambana na wanaowatuhumu kusaliti chama.

Lowassa alijiengua CCM Julai mwaka jana baada ya jina lake kuondolewa kwenye mbio za urais kwa tiketi ya chama hicho, na baadaye kufuatwa na mawaziri, wabunge, wenyeviti wa mikoa na madiwani na hivyo kufanya Uchaguzi Mkuu kuwa na ushindani mkubwa.

Baada ya kumalizika kwa uchaguzi huo, viongozi na wanachama wa CCM walioonekana kuwa karibu na waziri huyo mkuu wa zamani, walituhumiwa kukihujumu chama kwa kumpigia kampeni Lowassa wakati wa usiku, huku mchana wakijionyesha kuwa wanaunga mkono wagombea wa CCM.

Tuhuma hizo ziliongezewa nguvu na mwenyekiti wa CCM, Jakaya Kikwete takriban wiki mbili zilizopita alipotangazakuwa waliosaliti chama hicho watatumbuliwa bila ya aibu, na tayari mkoa wa Manyara umeshatangaza kuwatimua uanachama viongozi 21 wanaotuhumiwa kushabikia upinzani.

Viongozi wa mikoa  wamekanusha tuhuma zinazoelekezwa kwao kuwa walisaidia upinzani wakati wa uchaguzi wa mwaka jana.

Miongoni mwa wanaotuhumiwa ni mwenyekiti wa Mkoa wa Iringa, Jesca Msambatavangu ambaye aliangushwa kwenye kura za maoni ndani ya chama hicho na Frederick Mwakalebela, ambaye pia alishindwa na Mchungaji Peter Msigwa kwenye kinyang’anyiro cha ubunge wa Jimbo la Iringa Mjini.

Mwenyekiti huyo anatuhumiwa kubadili timu yake ya kampeni na kuifanya iwe ya kumpigia debe mgombea huyo wa Chadema.

Lakini Msambatavangu, ambaye pia anadaiwa kutoa gari zake zitumike kwenye kampeni za wapinzani, alisema yupo tayari kuhojiwa ili ajibu tuhuma dhidi yake ambazo tayari zimewasilishwa kwenye chama hicho.

Alisema anasubiri ahojiwe ili aeleze ukweli kuhusu suala hilo.
Mwakalebela alifungua kesi Mahakama Kuu akidai kuwa taratibu zilikiukwa wakati wa kuhesabu kura.

Mwingine anayezungumzwa ni mwenyekiti wa CCM wa Simiyu, Dk Titus Kamani, ambaye alikuwa Waziri wa Uvuvi na Maendeleo ya Mifugo katika Serikali iliyopita, ambaye amezielezea tuhuma dhidi yake kuwa ni majungu ya wasiompenda ambao wanataka avuliwe uongozi.

Dk Kamani anadaiwa kuwawezesha kwa hali na mali baadhi ya wagombea wa upinzani, kama kutoa vyombo vya matangazo na gari lake wakati wa kampeni.

Comments

Post a Comment

Popular posts from this blog

DC AWAAGIZA WALIOVAMIA EPZA WAONDOKE.

Image
Mkuu wa Wilaya ya Simanjiro Mkoani Manyara, Mahmoud Kambona wa tatu kulia akiwa anaonyeshwa moja ya madini ya vifo yalioletwa katika maonyesho ya wafanyabiashara wa ndani wa madini hayo yaliyofanyika ndani ya mji mdogo wa mirerani mkoani Manyara Mmoja kati ya wachimbaji wa madini ya Tanzanite Saniniu Laizer akiwa anaonyesha jiwe la Tanzanite ambalo lipo tayari kuuzwa  Idha benki ya NMB ilimefungua rasmi tawi katika mji huu ndogo wa mererani hapa meneja wa mji mdogo wa benki hiyo akiwa anamueleza mkuu wa wialaya pamoja na wananchi waliouthuria semina hiyo huduma ambazo wanazitoa benki hiyo ndani ya mji mdogo wa mirerani Mkuu wa wilaya akiwa anakata utepe hii ikiwa ni ishara ya kufunguliwa rasmi kwa maonyesho hayo ya vito na madini  Wafanya biashara wakubwa ambao ni wa pili kulia ni mkurugenzi wa kampuni ya Jacaranda Holding DR,Antony Haj Frisby akiwa na mwenzake wanachagua madini ya vito kwa ajili ya kuyanunua ambapo alisema kuwa maonyesho haya ...
Read more

ALAMA YA NYOKA KWENYE NEMBO MBALIMBALI INA MAANA KUBWA

Image
Nyoka anatumika kwa sababu ya maisha halisi ya mnyama huyu ambaye baada ya muda katika maisha yake huwa anavua gamba na kuota tena kuwa kitu kipya; maana yake ni maisha mazuri, maumivu wakati wa kuvua gamba na uponyaji wakati anapoendelea na maisha ya baadaye. Kwenye huduma za matibabu na baadhi ya majeshi utaona fimbo iliyozungukwa na nyoka, utaweza kuikuta kwenye hospitali karibu zote, huduma zote za afya na sehemu nyingine nyingi fimbo hii ni alama ya Kigiriki iliyotumika kwa maelfu ya miaka inaitwa Rod of Asclepius au Staff of Asclepius. Ni fimbo ya Mungu wa Kigiriki anayeitwa Asclepius anayehusishwa na mambo ya uponyaji na matibabu. Aesculapia ni nyoka waliokuwa wanatumika katika mahekalu ya kutolea matibabu, nyoka hawa walikuwa huru katika vyumba vya wagonjwa waliokuwa wamelazwa ndani toka mwaka 300. Lakini kwa tamaduni za Wahindu suala hili limeenda mbali zaidi katika kueleza mfumo wa vyakula, maisha, matibabu ya asili na mengine mengi. Sehemu kama Thailand nyoka...
Read more

Makala : Fahamu Kuhusu Ndumba Za Kichawi Na Jinsi Ya Kujikinga Nazo.

Image
FAHAMU  KUHUSU  NDUMBA  ZA KICHAWI NA  JINSI  YA  KUJIKINGA  NAZO. Mwandishi : Dokta. Mungwa  Kabili….0744 000 473 Nimekuwa  nikipokea  barua  pepe  kutoka  kwa  watu  mbalimbali, wakitaka  kujua  masuala  mbalimbali  kuhusu  ulozi, uchawi  na  jinsi  ya  kujikinga  dhidi  ya  uchawi  na  ulozi. Kwa  kuwa  muda  na  nafasi  haviniruhusu  kumjibu  kila  mmoja  kwa  wakati  wake,  nitayajibu  maswali  yote  hapa  bloguni. SWALI :   NIMESIKIA  KUWA  WACHAWI  HUWA  HAWAFI  UPESI.JE  KUNA  UKWELI  WOWOTE  KATIKA  HILO ?  NA  KAMA  NI  UKWELI, JE  NI  KITU  GANI HUWAPA  UWEZO  WA  KUISHI  MAISHA  MAREFU ? DOKTA.  MUNGWA  K...
Read more